අතුරුදන්වූ අත්ලාන්තික් නගරය ශ්‍රී ලංකාවේ කොටසක් ?

පොම්පේ නගරය වගේම ලෝක ඉතිහාසයේ ප්‍රකටව කියැවෙන තවත් නගරයක් පිලිබඳව සඳහන් වෙනවා. මේ නගරයත් පොම්පේ නගරය වගේම අභාග්‍යසම්පන්න ඉරණමකට මුහුණ දුන් බව කියන සමෘධිමත් නගරයක්. සියවස් ගනනාවකට පෙර මේ නගරය මහා සාගරය විසින් ගිලගත් බව පැවසෙනවා. ඒ නිසා පොම්පේ නගරය මෙන් මෙය නැවත මතුකර ගැනීමට හැකිවී නෑ. ඒ නිසාම මේ නගරය නොවිසඳුනු අභිරහස් ගොන්නට එකතු වී පුරාවෘතයක් ලෙස මිනිසුන් තුල කතා බහට ලක් වී තිබෙනවා. ක්‍රි. පූ. 350 දී පමණ ප්ලේටෝ විසින් එක් දිනක් තුල අත්ලාන්තික් සාගරයේ ගිලී ගිය අලංකාර නගරයක් ගැන සටහන් කර තිබෙනවා. එක් අතකින් පුදුමයක් ලෙස පෙනී යන මේ අරුම පුදුම දූපත පිලිබඳ ඓතිහාසික විස්තර සහිත ග්‍රන්ථ දෙකක සඳහන් වන්නේ මාය දූපතක් ලෙසයි. බොහෝ කාලයක සිටම මිනිසුන් අත්ලාන්තික් නම් වූ මේ අද්භූත අතුරුදන් වූ නගරය පිලිබඳව උනන්දුවකින් පසු වුනා.

කොහොම නමුත් අත්ලන්තික් නගරය යනු අට ලංකාව බව විද්වතුන් සදහන් කරනවා. එයින් සදහන් වන්නේ අත්ලන්තික් යනු ශ්‍රී ලංකාවට අයත් කොටසක් බවයි. ඒ ගැන කථා කරන්න ඉස්සර අපි ලෝකය කථාකරන ආකාරය මොහොතක් සලකා බලමු.
වසර දෙදහසකට වඩා ඉතිහාසයක් ඇති අත්ලන්තික් නගරයේ කතාව තවමත් පවතින්නේ හුදු ප්‍රබන්ධයක් ලෙසින් පමණයි. ඉන්පසුව 1800 දශකයේදී ඉග්නේටියස් ඩොනෙලි නමැති ඇමරිකානු ජාතිකයා මෙම ප්‍රබන්ධයට මහත් සේ ඇලුම් කල අතර ඒ ඇසුරින් අත්ලාන්තික් ආදි කලිපික ලෝකය (Atlantis The Antediluvian World) යනුවෙන් පොතක්ද ලියා පල කලා. එහිදී ඉග්නෙටියස් විසින් ඊජිප්තුවේ සිට මෙක්සිකෝව දක්වාම ගං වතුර ඉතිහාසය අධ්‍යනය කලා. ඒ අනුව ඔහු විශ්වාස කරන්නේ ප්ලේටෝ විසින් පවසා ඇත්තේ අතීතයේදී සත්‍ය ලෙසම සිදුවූ ස්වභාවික ව්‍යසනයක් පිලිබඳව බවයි. එතැන් සිට මේ අතුරුදන් නගරය ගැන පොත් කීපයක්ම පලවී තිබෙනවා. අත්ලන්තික් නගරය ගැන වඩාත් පිලිගත් මතය ඉදිරිපත් කර තිබෙන්නේ 1960 දශකයේදී ග්‍රීක පුරා විද්‍යාඥයෙකු වූ ඇන්ජිලස් ගැලනොපවුලස් විසින් ක්‍රි. පූ. 1500 දී පමණ සිදුවූ විශාල ගිනි කඳු විදාරනයක් නිසා මධ්‍ය ධරණියේ පිහිටි සැන්ටොරින් දූපත ඉවතට වෙන්වී තිබෙනවා. මෙයින් ග්‍රීසියට අයත් ප්‍රදේශ සහ ග්‍රීක දූපත් මත තිබූ ශිෂ්ටාචාරය අතුගෑවී ගොස් තිබෙන බව පෙනී යනවා. ඇන්ජිලොස් විශ්වාස කරන්නේ අත්ලන්තික් නගරය ගිල්ලවීමටද මෙම විනාශය හේතු වූ බවයි. එය එසේ වූවානම් ඔහු මෙහිදී ඉදිරිපත් කරන දිනවකවානු පිලිබඳ ගැටලුවක් මතු වෙනවා. එයට හේතුවී ඇත්තේ මේ ප්‍රබන්ධය පරිවර්තනය කිරීමේදී එහි වූ සමහර සලකුණු වැරදි ආකාරයට වටහා ගැනීමයි. ඒ අනුව 100 හැඳින්වීමට යොදාගන්නා ඊජිප්තු සංකේතයත් (ඇඹරූ කඹය) සහ 1000 හැඳින්වීමට යොදාගන්නා සංකේතයත් (ඕලු මල) වරදවා වටහා ගෙන තිබීම නිසා ඔහු ඉදිරිපත් කරන කාලය වැරදි බවයි පැවසෙන්නේ. මේ නිසා එයට අයත් කාලය වසර 9000ට පෙර කාලයේ සිට වසර 900 ට පෙර කාලය අතරට අයත් වෙනවා. මෙම පැහැදිලි කිරීම් වල ඇති එකම වරද වන්නේ ප්ලේටෝට අනුව මෙම නගරය හර්කියුලිස්ගේ ස්ථම්භ වලට ආසන්නයේ පිහිටා තිබුණු බව සඳහන් කර තිබීමයි. මේ ස්ථම්භ ග්‍රීසියට නුදුරුව පිහිටා තිබෙන්නට ඇති බව වර්තමානයේ විශ්වාස කෙරෙනවා.
ඇත්තටම අත්ලන්තික් නගරය පිහිටි නියම ස්ථානය කොහේදැයි මිනිසුන්ට ගැටලුවක් වී තිබුනා. බ්‍රිතාන්‍ය රාජකීය ගුවන් හමුදාවේ ඡායාරූප ශිල්පී ජේ. එම් ඇලන් පවසන්නේ අත්ලන්තික් නගරය බොලීවියාවේ ඇන්දීස් කඳුකරයට ආසන්නව පිහිටි ඇල්ටිප්ලෝනාහි පිහිටා තිබූ බවයි. එඩ්ගා කේසි පවසා ඇත්තේ බිමිනි දූපත් ආසන්නයේ වූ ෆ්ලොරීඩා වෙරළ ආශ්‍රිතව මේ නගරයේ නටබුන් හමුවිය හැකි බවයි. තවත් සමහරු විශ්වාස කරන්නේ මධ්‍යම ඇමරිකාවේ, චීන මුහුදේ හෝ අප්‍රිකාවේ කොහේ හෝ තැනක එය අතුරුදන් වන්නට ඇති බවයි. ඒ අතර තවත් පිරිසක් එහි මිත්‍යාවකට වඩා දෙයක් නොමැති බව පවසනවා. කෙසේ වෙතත් අත්ලන්තික් නගරය වර්තමාන ලෝකයේ නොවිසඳුන අභිරහස් ගොන්නට එකතු වූ තවත් ප්‍රභන්ධයක් ලෙස ඉතිරි වී තිබෙනවා.
අත්ලන්තික් නගරයේ ජීවිතය

ප්ලේටෝ විස්තර කරන ආකාරයට අත්ලන්තික් වාසීන් විශිෂ්ට ඉංජිනේරුවන් හා ගෘහ නිර්මාණ ශිල්පීන් පිරිසක්. එහි මාලිගා, වරාය, දේවස්ථාන සහ තටාකාංගන ආදිය පිහිටා තිබුණු බව ඔහු විස්තර කරනවා. අග නගරය කඳු මුදුනක ඉදි කර තිබූ අතර විශාල දිය අගල් කිහිපයකින් එය වටවී තිබුණා. මේ දිය අගල් එකිනෙක සම්බන්ද කර තිබූ ඇල මාර්ග නැව් යාත්‍රා කිරීමට ප්‍රමාණවත් තරම් විශාලත්වයෙන් යුක්ත වූ බව පැවසෙනවා. පිටතින්ම පිහිටි දිය අගල් අති විශාල ඇල මාර්ගයකින් සාගරයට සම්බන්ධ වුනා. අගනගරයේ පිටත වූ යාබද ප්‍රදේශයේ නගරයට අවශ්‍ය ආහාර සම්පාදනය කරන ගොවිබිම් පිහිටා තිබුණා. ගොවිබිම් පසු කරන විට පිහිටි කඳුකරයේ ධනවත්ම වැසියන් වාසය කලා. ප්ලේටෝ මේ ධනවතුන්ගේ සුවිසල් නිවාස පිලිබඳව ද විස්තර කර තිබෙනවා. උණුසුම් සහ සිසිල් ජලයෙන් යුත් ජල මල්, විශාල භෝජන ශාලා සහ වටිණා ලෝහයෙන් ආවරණය කල පාශාණ බිත්ති ආදිය එහි සුවිසල් මන්දිර වල දක්නට ලැබුන බව ඔහු සඳහන් කර තිබෙනවා.

නමුත් ඔය සියල්ලම ඉක්මවා ගිය මතයක් ලෙස සදහන් වන්නේ අත්ලංන්තික් දූපත යනු ශ්‍රී ලංකාව බවයි. අතීතයේ ශ්‍රී ලංකාව ඉතාම දියුණු රටක් බවත් එහි කොටසක් ගිලාබැස්ස බවත් යම් මතයක් තියෙනවා. ටොලමිගේ ලෝක සිතියමේ ශ්‍රී ලංකාව යනු අතිවිශාල භූමියක් බව පැහැදිලි වෙනව. ඒත් අද එය ඉතාම පුංචි කොටසක්.(අන්තර්ජාලයෙනි)

2 thoughts on “අතුරුදන්වූ අත්ලාන්තික් නගරය ශ්‍රී ලංකාවේ කොටසක් ?

  • September 21, 2016 at 11:09 pm
    Permalink

    ශ්‍රී ලංකාව ගිලිබැස්ස ගිණී කන්දක් සේ ගත් විට එහි ඉතිහාසය ඉංග්‍රීසීන් විසින් කඳුකරය විනාශ කිරීම තුලින් ගිලා බැස්වූ වබ සිතිය හැකි අතර ක්‍රි.ව.1800 න් පසු බිහිවූ ඉංග්‍රිසි නවකථා ආශ්‍රයෙන් ඔවුන් අපේ ඉතිහාස සොරකම් කර වළලා දැමූ බව පැහැදිලි වේ. නිලන්ද ගෙඩිගේ හා සීගිරිය පුරාවස්තු කොල්ලයකට හසුවී ඇති බව පැහැදිලිව පෙනෙන ස්ථානයන්ය. අත්ලාන්තීසය ගිලෙන සමයේ ඔවුන් එහි ඉතිහාසය සමඟ මෙහි පැමිණ ඇති බව මූලාශ්‍ර මඟින් පැහැදිලිව දක්නට ලැබේ. ලෝකයේ මධ්‍ය වූ සූර්ය දෙවොල සමබන්ධයෙන් අපගේ අවධානය මීට වඩා යොමු විය යුතුය. ෂී යනු කුවේණිය විය හැකිය……………..

    Reply
  • September 22, 2016 at 8:46 pm
    Permalink

    රාවණ මෙහෙයුම කියන කථා පොතේ මේ ගැන සුපිරියට ලියල තියෙනව. ඒකෙ තියෙන විදියට ඇත්ත බොරුව මොකක් උනත් බොරුවක් කියල අයින් කරන්න නම් හිතෙන්නෙ නෑ කියවගෙන යද්දි.

    Reply

ඔබගේ අදහස අපට කියන්න

Close