කුමාර සිරිවර්ධනගේ අලුත්ම පරිවර්තන කෘති පහක්

රාජ්‍ය සම්මානලාභී පරිවර්තක කුමාර සිරිවර්ධනගේ අලුත්ම පරිවර්තන කෘති පහක් 2016 සාහිත්‍ය මාසය වෙනුවෙන් දැන් නිකුත්වී තිබේ. ප්‍රකට හා සම්භාවනීය ලේඛකයන් වූ ඇලෙක්සැන්ඩර් ඩූමාස්ගේ ‘මෑන් ඉන් දි අයන් මාස්ක්’ හා වික්ටර් හියුගෝ ගේ ‘ද ලාෆිං මෑන්’ පිළිවෙළින් ‘යවෙස් ලූ මිනිසා’ සහ ‘විප්පයෝගය’ යන නම්වලින් කුමාර අතින් සිංහලට පරිවර්තනය වී ඇත.

අමෙරිකාවේ සම්මාන දිනූ ලේඛිකාවක වූ කැතරින් ලැස්කි, වහල් යුවතියකගේ පලා යාම අළලා ලියූ ‘ටෲ නෝර්ත්’, ‘මකුළු දැලේ යුවතී’ නමින් පාඨකයන් වෙත තිළිණ වෙයි. ජොහානා වයිස්ගේ ‘ද ස්විස් ෆැමිලි රොබින්සන්’, ‘දූපතක හුදකලාව’ නමින්ද ටී. ලොබ්සාං රම්පාගේ ‘කේව් ඔෆ් දි ඒන්ෂන්ට්ස්’, ‘මායා ලෝකයේ සැරි සරන ආත්ම’ නමින්ද නිකුත් වී තිබේ.

එඩ්ගාර් රයිස් බරෝස් ගේ ‘මූන්’ තුන් ඈඳුතු නවකතාව ‘චන්‍ද්‍ර කන්‍යාව’ නමින් සාහිත්‍ය මාසයට පෙරම වෙළෙඳ පොළට නිකුත් විය. කුමාර සිරිවර්ධන ගොඩගේ ජාතික සාහිත්‍ය සම්මානයෙන් හා බෞද්ධ සාහිත්‍ය සම්මානයෙන් පිදුම් ලැබුවේය.

ඔබගේ අදහස අපට කියන්න

Close