‘හමුදා කුමන්ත්‍රණයක් බියක් තිබුණේ නැහැ’ -රාජිත කියයි

ත්‍රිවිධ හමුදාපතිවරුන් ප්‍රශ්න කිරීමට ලක්කිරීමේදී හමුදාව ඊට ප්‍රතිචාර දක්වනු ඇතැයි බිය විය යුතු නැති බව ජනාධිපතිවරයාට පෙන්වාදෙන බව අමාත්‍ය රාජිත සේනාරත්න මහතා පවසනවා. ඔහු මේ  බව කියා සිටියේ ඊයේ පැවැති කැබිනට් තීරණ දැනුම්දීමේ මාධ්‍ය හමුවේදීයි.

හමුදා කුමන්ත්‍රණයක් මතුවනු ඇතැයි ආණ්ඩුවට බියක් නොතිබූ බව පැවසූ රාජිත සේනාරත්න අමාත්‍යවරයා, එසේ වුවද, මෙවැනි ප්‍රශ්නකිරීම් හා අත්අඩංගුවට ගැනීම් සිදුවුවහොත් හමුදා ක්ෂේත්‍රය තුළ කළකිරීමක් ඇතිවිය හැකි බවයි කියා සිටියේ.

යුද්ධය මෙහෙයවූ යුද්ධ හමුදාපතිවරයා පැහැරගෙන ගොස් අත්අඩංගුවට ගත් අවස්ථාවේදී ප්‍රතිචාර නොදැක්වූ හමුදාව දැන් වෙනස් ප්‍රතිචාරයක් දක්වන්නේ කෙසේදැයි මාධ්‍යවේදියෙකු සිදුකළ විමසීමකට ප්‍රතිචාර දක්වමින් අමාත්‍යවරයා මේ බව සදහන් කළා. මේ ඔහු එහිදී පල කළ අදහස් කිහිපයක්.

“හොඳ කරුණක්, දැන් මම ජනාධිපතිතුමාටත් කියනවා ටිකක් බය නැතුව ඉන්න මෙහෙමත් තියෙනවා කියලා”

“හමුදා කුමන්ත්‍රණයක් ඇති වෙන්නේ නැහැ, හැබැයි ඇතිවෙන්නේ නැහැ කියලා හිතාගෙන අපි වැඩකරන්න හොඳ නැහැ, හිටපු ආරක්ෂක ලේකම්වරයා නොයෙකුත් ප්‍රකාශ කරගෙන ඉන්නවා, මහින්ද රාජපක්ෂට කැන්වසින් කරපු හිටපු හමුදාපතිවරුත් ඉන්නවනේ මේ රටේ”

ඔබගේ අදහස අපට කියන්න

Close