ආසන්න පුවත්

පොලිස් කොමිසමේ සභාපති ධූරයට යෝජිත නම් ජනපතිට යොමු කෙරේ

පොලිස් කොමිසමේ සභාපති ධූරයට යෝජිත නම් ජනපතිට යොමු කෙරේ

පුරප්පාඩු වී පවතින ජාතික පොලිස් කොමිෂන් සභාවේ සභාපති ධුරයට යෝජිත නම් ආණ්ඩුක්‍රම ව්‍යවස්ථා සභාව විසින් ජනාධිපති මෛත්‍රීපාල සිරිසේන මහතා වෙත යොමුකර තිඛෙනවා. මෙම පුරප්පාඩුව ඇති වුණේ මහාචාර්ය සිරි හෙට්ටිගේ මහතා පොලිස් කොමිෂමෙන් ඉල්ලා අස්වීමෙන් පසුවයි. කතානායක කරු ජයසූරිය මහතාගේ ප්‍රධානත්වයෙන් රැස්වූ ආණ්ඩුක්‍රම ව්‍යවස්ථා සභාව මගින් රාජ්‍ය සේවා කොමිෂන් සභාවට තවත් සාමාජිකයකු පත් කිරීමටද නිර්දේශ ඉදිරිපත් කර තිඛෙනවා. ස්වාධීන කොමිෂන් සභාවලට අඩුපාඩුවක්ව පවතින ස්ථිර කාර්යාල පහසුකම් සලසා දීම සම්බන්ධයෙන්ද මෙහිදී සාකච්ජාවට ලක් කර තිඛෙනවා. ඊට අදාළව අමාත්‍ය පාටලී චම්පික රණවක මහතා කඩිනම් පියවර අනුගමනය කරනු ඇති බවයි ව්‍යවස්ථාදායක සභාවට දන්වා ඇත්තේ.
විධායකය අහෝසි නොකිරීමේ ශ්‍රීලනිප තීරණයට සිවිල් සංවිධාන විරෝධය

විධායකය අහෝසි නොකිරීමේ ශ්‍රීලනිප තීරණයට සිවිල් සංවිධාන විරෝධය

විධායක ජනාධිපති ධුරය අහෝසි කරන බවට ජනාධිපති මෛත්‍රීපාල සිරිසේන පසුගිය ජනාධිපතිවරණයේදී දුන් පොරොන්දුව කඩ කරමින් ඔහු නායකත්වය දරන ශ්‍රී ලංකා නිදහස් පක්ෂය විධායක ජනාධිපති ධුරය පවත්වාගෙන යායුතු බවට ගනුලැබූ තීරණය පිළිබඳව සාධාරණ සමාජයක් සඳහා වූ ජනතා ව්‍යාපාරය අද සිය විරෝධය පල කළා. එම ව්‍යාපාරයේ කැදවුම්කරු මහාචාර්යය සරත් විජේසූරිය මහතා ප්‍රකාශ කළේ විධායක ජනාධිපති ධුරය අහෝසි කිරීමේ මූලික පොරොන්දුව මත පසුගිය ජනාධිපතිවරණයේ දී එවක පූජ්‍ය මාදුළුවාවේ සෝභිත හිමිගේ නායකත්වයෙන් යුතුවූ සාධාරණ සමාජයක් සඳහා වූ ජනතා ව්‍යාපාරය මෛත්‍රීපාල සිරිසේන ජනාධිපතිවරයාට සහය දුන් බවයි. ජනාධිපතිවරණයේ ප්‍රධාන ප්‍රතිඥාව ඉටු නොකළහොත් එය මෛත්‍රීපාල සිරිසේන ජනාධිපතිවරයාගේ දේශපාලන අනාගතය තීරණය කෙරෙන සාධකයක් වනු ඇති බවයි බී බී සී ලෝක සේවයට අදහස් දක්වමින් මහාචාර්යය සරත් විජේසූරිය මහතා කියා සිටියේ.
හම්බන්තොට විරෝධයේදී කලහකළ 32ක් තවදුරටත් රිමාන්ඞ්

හම්බන්තොට විරෝධයේදී කලහකළ 32ක් තවදුරටත් රිමාන්ඞ්

හම්බන්තොට ආයෝජන කලාපයට එරෙහිව පසුගියදා පැවැති විරෝධතාවයේදී කලහකාරී ලෙස හැසිරීම සම්බන්දයෙන් අත්අඩංගුවට ගත් 32නකු අද යලිත් රක්ෂිකත බන්ධනාගාරගත කෙරුණා. ඒ ලබන 16 වනදා දක්වායි. අධිකරණ නියෝගය කඩ කරමින් විරෝධතාවයේ නිරතවීම හා පොදු දේපලට හානි සිදුකිරීම සම්බන්ධයෙන් ඔවුන්ට චෝදනා එල්ලවී තිබෙනවා. මෙම සිද්ධියට අදාළව අත්අඩංගුවට ගත් තවත් 18 දෙනකු අනිද්දා අධිකරණයට ඉදිරිපත් කිරීමට නියමිතයි.
හම්බන්තොට ආයෝජන කලාපය වෙන දිස්ත්‍රික්කයකට දිය හැකියි / අගමැති

හම්බන්තොට ආයෝජන කලාපය වෙන දිස්ත්‍රික්කයකට දිය හැකියි / අගමැති

හම්බන්තොට ඉදිකිරීමට යන ආයෝජන ප්‍රවර්ධන කලාපය මුල් කර ගනිමින් අද පාර්ලිමේන්තුව උණුසුම් වුණා. ඒ පසුගියදා හම්බන්තොට පැවැති විරෝධතාවට එල්ලවූ පහරදීම සම්බන්ධයෙන් ඒකාබද්ධ විපක්ෂයේ නායක පාර්ලිමේන්තු මන්ත්‍රී දිනේෂ් ගුණවර්ධන මහතා ස්ථාවර නියෝග යටතේ සිදුකළ ප්‍රශ්න කිරීමකින් පසුවයි. මෙහිදී සැලසුම් සහගතව පහරදීමක් සිදුව ඇති බවටයි මන්ත්‍රීවරයා චෝදනා එල්ල කළේ. රජය වෙනුවෙන් කරුණු දක්වමින් නීතිය හා සාමය පිළිබද අමාත්‍ය සාගල රත්නායක මහතා එම චෝදනා ප්‍රතික්ෂේප කළා. විවාදයේදී අදහස් දක්වමින් අමාත්‍ය මහින්ද අමරවීර මහතා ප්‍රකාශ කළේ පසුගිය මහින්ද රාජපක්ෂ පාලනය විසින්ද මෙම කර්මාන්ත කලාපය චීනය හා එක්ව ක්‍රියාත්මක කිරීමට සැලසුම් කර තිබූ බවයි. එබැවින් දේශපාලන වාසි වෙනුවෙන් අද ඊට එරෙහි නොවන ලෙසද ඔහු මන්ත්‍රීවරුන්ගෙන් ඉල්ලීමක් කළා. මෙහිදී අදහස් දක්වමින් සන්ධාන පාර්ලිමේන්තු මන්ත්‍රී චමල් රාජපක්ෂ මහතා පැවසුවේ මෙම ව්‍යා
වත්කම් ඉපයූ හැටි හෙළ කළ නොහැකි වූ යෝෂිතගේ මිත්තණිය ඇප මත මුදාහැරේ

වත්කම් ඉපයූ හැටි හෙළ කළ නොහැකි වූ යෝෂිතගේ මිත්තණිය ඇප මත මුදාහැරේ

යෝෂිත රාජපක්ෂ මහතාගේ මිත්තණියක වන ඩේසි ෆොර්ස්ට් මහත්මිය අද ඇප මත මුදා හැරුණා. ඒ රුපියල් මිලියන 36 ක දේපල උපයාගත් ආකාරය හෙලිකිරීමට අසමත්වීමේ චෝදනා මතයි. අද අධිකරණය හමුවේ කරුණු දක්වමින් පොලිස් මූල්‍ය අපරාධ කොට්ඨාශය ප්‍රකාශ කළේ ඩේසි ෆොරස්ට් මහත්මිය සිද්ධියට අදාළ පරීක්ෂන සදහා සහාය දීමෙන් වැලකී සිටින බවයි. ඇයට අවස්ථා 6කදී ප්‍රකාශ ලබාදීමට පැමිණෙන ලෙස දන්වා ඇතත් ඇය ඒ සදහා සහභාගී නොවූ බවද අධිකරණය හමුවේ සදහන් කෙරුණා. ඒ අනුව සැකකාරිය රුපියල් 25,000 ක මුදල් ඇප හා රුපියල් ලක්ෂ 15 බැගින් වූ ශරීර ඇප 2ක් මතයි මුදා හැරුණේ. ඇයට හෙට දිනයේදී පොලිස් මූල්‍ය අපරාධ කොට්ඨාශය හමුවේ පෙනී සිටින ලෙසද නියෝග කෙරුණා.
2020 ජනපතිවරණයටත් ජනපති මෛත්‍රී එයි / විධායකය අහෝසි කිරීමක් නෑ

2020 ජනපතිවරණයටත් ජනපති මෛත්‍රී එයි / විධායකය අහෝසි කිරීමක් නෑ

2020 වසරේදී පැවැත්වීමට නියමිත මීළග ජනාධිපතිවරණය සදහා ජනාධිපති මෛත්‍රීපාල සිරිසේන මහතා ඉදිරිපත් කිරීමට ශ්‍රී ලංකා නිදහස් පක්ෂයේ අමාත්‍යවරුන් ඒකමතික යෝජනාවක් සම්මත කර ඇතැයි තොරතුරු වාර්තාවනවා. ඒ අනුව විධායක ජනාධිපති ධුරය නොවෙනස්ව පවත්වාගෙන යාමටද මෙහිදී යෝජනා සම්මත කරගෙන ඇති බවයි නිදහස් පක්ෂ අභ්‍යන්තර ආරංචි සදහන් කරන්නේ. ශ්‍රී ලංකා නිදහස් පක්ෂ අමාත්‍යවරුන්ගේ සහභාගිත්වයෙන් පසුගිය අඟහරුවාදා පැවැති සතිපතා හමුවේදී මෙම තීරණයගෙන තිඛෙනවා. එහිදි ජනාධිපති මෛත්‍රීපාල සිරිසේන මහතා 2017 වසර සඳහා සිය සැලසුම්ද ඉදිරිපත් කර ඇති බවයි අදාළ වාර්තා හෙළිකරන්නේ. ජනාධිපති මෛත්‍රීපාල සිරිසේන මහතාගේ ධූර කාලයේ තුන්වන වසර අදින් ආරම්භවීමට නියමිතයි.
සීමා නිර්ණ වාර්තාව ගැන අද අගමැති ප්‍රධානත්වයෙන් තීරණාත්මක සාකච්ජාවක්

සීමා නිර්ණ වාර්තාව ගැන අද අගමැති ප්‍රධානත්වයෙන් තීරණාත්මක සාකච්ජාවක්

සීමා නිර්ණ වාර්තාව සම්බන්ධයෙන් අග්‍රාමාත්‍ය රනිල් වික්‍රමසිංහ මහතා සහ පක්ෂ නායකයින් අතර සාකච්ජාවක් අද පැවැත්වෙනවා. ඒ පාර්ලිමේන්තු සංකීර්ණයේදීයි. මෙහිදී සීමා නිර්ණ වාර්තාවේ ප්‍රමාදය හා ඊට විකල්ප ඉදිරිපත් වනු ඇති බවයි පැවසෙන්නේ. මේ අතර විශ්වාසනීය වාර්තා පවසන්නේ සීමා නිර්ණ වාර්තාවේ ගැටලු හේතුවෙන් මැතිවරණය පැරණි ක්‍රමයට පැවැත්වීම සම්බන්ධයෙන් අද තීරණයකට එලඹීමට නියමිත බවයි. මේ වන විට සීමා නිර්ණ වාර්තාව සකස් කර තිබුණද අමාත්‍යවරයා විසින් එය මෙතෙක් භාරගෙන නැහැ.
Close