ක්‍රීඩා

පන්දුව හිසේ ගැටුණු මුෂ්ෆිකර් රහීම් අවධානමෙන් මිදෙයි(Video)

පන්දුව හිසේ ගැටුණු මුෂ්ෆිකර් රහීම් අවධානමෙන් මිදෙයි(Video)

නවසීළන්තය සමග පලමු ටෙස්ට් ක්‍රිකට් තරගයේදී පන්දුව හිසේ ගැටීමෙන් පසු රෝහල්ගත කළ මුෂ්ෆිකර් රහීම් අවධානම් තත්ත්වයෙන් මිදී ඇති බව නවසීළන්ත මාධ්‍ය වාර්තා කළා. එම වාර්තා පවසන්නේ බංග්ලාදේශ ක්‍රිකට් නායකයාට තවදුරටත් ප්‍රතිකාර ලබාදීම සිදුවන බවයි.
ක්‍රිකට් සභාපතිවරයා ටෙස්ට් කණ්ඩායම ගැන කණගාටු වෙයි

ක්‍රිකට් සභාපතිවරයා ටෙස්ට් කණ්ඩායම ගැන කණගාටු වෙයි

දකුණු අප්‍රිකානු ටෙස්ට් සංචාරයේදී ශ්‍රී ලංකා කණ්ඩායමේ අඩු දස්කම් පිළිබද කිසිසේත්ම සතුටු විය නොහැකි බව ශ්‍රී ලංකා ක්‍රිකට් සභාපතිවරයා අද ප්‍රකාශ කළා. ඒ මහනුවරදී මාධ්‍යවේදීන් වෙත අදහස් දක්වමින්.
ලංකාව දකුණු අප්‍රිකාවට වයිට් වොෂ් වෙයි

ලංකාව දකුණු අප්‍රිකාවට වයිට් වොෂ් වෙයි

ශ්‍රී ලංකාව සහ දකුණු අප්‍රිකාව අතර ජොහැන්නස්බර්ග් නුවරදී පැවැති තුන්වැනි ටෙස්ට් තරගයේදී ශ්‍රී ලංකාව පරදවා ඉනිමක සහ ලකුණු 118 ක දැවැන්ත ජයක් අත්කර ගැනීමට දකුණු අප්‍රිකාව ඊයේ සමත් වුණා. ඒ ශ්‍රී ලංකා පිතිකරුවන්ගේ අතිශය දුර්වල පිතිහරඹය හේතුවෙනුයි. තරගයේ පලමුවෙන් පන්දුවට පහරදුන් දකුණු අප්‍රිකාව ලකුණු 426 යි. පෝල් ඩුමිනි ලකුණු 155ක් හා හෂීම් අම්ලා ලකුණු 134ක් ලබාගත්තා. ශ්‍රී ලංකා පලමු ඉනිම ලකුණු 131 යි. කුසල් මෙන්ඩිස් ලකුණු 41 යි. ශ්‍රී ලංකා දෙවන ඉනිම ලකුණු 177 යි. දිමුත් කරුණාරත්න ලකුණු 50යි. මේ අනුව තරගාවලිය 3ට 0ක් ලෙස ජයගත්තේ දකුණු අප්‍රිකාවයි. තරගයේ වීරයා බවට පෝල් ඩුමිනි පත්වද්දී තරගාවලියේ වීරයා බවට ඩීන් එල්ගර් පත්වුණා.
ලංකා – දකුණු අප්‍රිකා 3න් වන ටෙස්ට් තරගය අද ඇරඹෙයි

ලංකා – දකුණු අප්‍රිකා 3න් වන ටෙස්ට් තරගය අද ඇරඹෙයි

සංචාරක ශ්‍රී ලංකා කන්ඩායම හා දකුණු අප්‍රිකාව අතර 3න් වන ටෙස්ට් තරගය අද ආරම්භ වනවා. ඒ ජොහැන්නස්බර්ග්හීදීයි. මෙම තරගයත් පහසුවෙන් ජයගන්නා බව දකුණු අප්‍රිකානු නායක ඩු ප්ලෙසේසි පවසා තිබුණා. අද තරගයට ශ්‍රී ලංකාව එක්වන්නේ පෙර තරගයට ක්‍රීඩා කළ කණ්ඩායම සමගමයි. මෙහිදී රංගන හේරත්ට ලෝක වාර්තාවක් පසු කිරීමේ හැකියාවද පවතිනවා. ඒ වැඩිම ටෙස්ට් කඩුලු ගණනක් දවාගත් වමත් දග පන්දු යවන්නා ලෙසයි මේ වන විට වැඩිම ටෙස්ට් කඩුලු ලාභී වමත් දග පන්දු යවන්නන් ඩැනියෙල් විටෝරි 362 රංගන හේරත් 356
පෙර පුහුණු තරගය පකිස්ථානය පහසුවෙන් දිනයි

පෙර පුහුණු තරගය පකිස්ථානය පහසුවෙන් දිනයි

සංචාරක පකිස්ථානය හා ඔස්ටේ්‍රලියා ක්‍රිකට් සභාපතිවරයාගේ පිල අතර අද පැවැති එක්දින තරගය පහසුවෙන් ජය ගැනීමට පකිස්ථානය සමත් වුණා. ඒ ඔස්ටේ්‍රලියා ක්‍රිකට් සභාපති පිල ලකුණු 196 කින් පරදවමින්. තරගයේ පලමුව පන්දුවට පහරදුන් පකිස්තානය පන්දුවාර 50 තුල කඩුලු 7කට ලකුණු 334 යි. බාබර අසාම් ලකුණු 98 යි. සජීල් ඛාන් ලකුනු 62 යි. ඔස්ටේ්‍රලියා ක්‍රිකට් සභාපති පිල පිළිතුරු ඉනිමේදී රැස් කළේ ලකුණු 138ක් පමණයි. ජොස් ඉන්්ග්ලිස් ලකුණු 70යි.
රොනාල්ඩෝ යළිත් ලොව හොදම පාපන්දු ක්‍රීඩකයා සම්මානය දිනයි

රොනාල්ඩෝ යළිත් ලොව හොදම පාපන්දු ක්‍රීඩකයා සම්මානය දිනයි

2016 වසරේ හොදම පාපන්දු ක්‍රීඩකයා සම්මානය ක්‍රිස්ටියානෝ රොනාල්ඩෝ හිමිකර ගත්තා. ඒ ඔහු සමග සම්මානය වෙනුවෙන් නිර්දේශවී සිටි ලයනල් මෙස්සී පරාජය කරමින්. සූර්චි හීදී පැවැති පලමු ෆිෆා පාපන්දු සම්මාන තරගාවලියේදීයි රොනාල්ඩෝ මෙම සම්මානයට හිමිකම් කියනු ලැබුවේ. ඔහු මෙවර යුරෝපා තරගාවලියේදී දැක්වූ දස්කම් මෙහිදී සැලකිල්ලට ලක්ව තිබුණා. මෙහිදී හොදම පාපන්දු ක්‍රීඩිකාව ලෙස අමෙරිකාවේ කාර්ලි ලොයිඩ් සම්මාන දිනාගත්තා.
ළහිරු කුමාර පැයට කිලෝමීටර 150ක වේගයකින් පන්දු යැවීමට සූදානම්

ළහිරු කුමාර පැයට කිලෝමීටර 150ක වේගයකින් පන්දු යැවීමට සූදානම්

ශ්‍රී ලංකා කණ්ඩායම නියෝජනය කරන නවක වේග පන්දු යවන ක්‍රීඩක ලහිරු කුමාර අනාගතයේ ශ්‍රී ලංකා පිලට හොද ආයෝජනයක් බව කණ්ඩායමේ පන්දු යැවීමේ පුහුනුකරු චම්පක රාමනායක මහතා පවසනවා. ඔහු පෙන්වා දෙන්නේ ලහිරු කුමාර ඉතා වේගයෙන් වර්ධනය වන පන්දු යවන්නකු වනු ඇති බවයි. ඒ අනුව ඉතා ඉක්මනින් පියට කිලෝමීටර 150ක වේගයකින් පන්දු යැවීමේ දක්ෂතාවයද ලහිරු කුමාර දක්වනු ඇති බවයි චම්පක රාමනායක පවසන්නේ. එසේ වුවහොත් ශ්‍රී ලංකාවෙන් බිහිවූ වේගවත්ම පන්දු යවන්නා බවටද ඔහු පත්වනු ඇති. මේ වන විට පැවැත්වෙන දකුණු අප්‍රිකානු සංචාරයේදී ලහිරු කුමාර දක්වන දක්ෂතා පිළිබදවද සතුටු විය හැකි බව ශ්‍රී ලංකා වේග පන්දු යැවීමේ පුහුණුකරු සදහන් කළා. පසුගිය තරගයේ එක් ඉනිමකදී කඩුලු 6ක්ද දවා ගැනීමටයි ලහිරු කුමාර සමත් වුණේ.
Close