ප්‍රධාන පුවත්

ත්‍රීකුණාමල වරායේ ඉන්ධන ටැංකි රජයට ගන්නැයි ඉල්ලා ඛනිජ තෙල් වෘත්තීය සමිති අද විරෝධයේ

ත්‍රීකුණාමල වරායේ ඉන්ධන ටැංකි රජයට ගන්නැයි ඉල්ලා ඛනිජ තෙල් වෘත්තීය සමිති අද විරෝධයේ

ත‍්‍රිකුණාමලය තෙල් ටැංකි සංකීර්ණය ඉන්දියාවට පැවරීමේ සූදානමක් ඇති කරුණු කිහිපයකට විරෝධය පල කිරීම සදහා අද කොලඹදී විරෝධතාවයක නිරත වන බව ඛනිජ තෙල් වෘත්තීය සමිති එකමුතුව පවසනවා. තම ඉල්ලීම් පිළිබද ඊයේ පැවැති සාකච්ජාවක් අසාර්ථකවීම හේතුවෙන් මෙම පියවර ගන්නා බවයි එම සංගමය මෙසේ නිවේදනය කළේ. 1.    ත‍්‍රිකුණාමලය තෙල් ටැංකි සංකීර්ණය ඛනිජතෙල් සංස්ථාවට (CPC) පවරාදීම. 2.    හම්බන්තොට වරායේ ඉදිකොට ඇති තෙල් පහසුකම් අංශය CPC ට ලබාදීම  හා එම  ස්ථාන දෙක හරහා මෙහෙයුම් කටයුතු සඳහා CPSTL සේවකයන් CPC යට අන්තර්ග‍්‍රහණය කිරීම. 3.    රජයේ මැදිහත් වීම යටතේ තෙල් පිරිපහදුව නවීකරණය කිරීම. 2017.10.09 දින ගරු ඇමතිතුමන් වෙත ලිඛිතව දැනුම් දුන්නේ ඉදිරි සතිය තුල පිළිගත හැකි පිලිතුරක් නොලැබෙන්නේ නම් විරෝධතා ක‍්‍රියාමාර්ගවලට සහ අඛණ්ඩ වැඩවර්ජනයකට අවතීර්ණවීමට සිදුවන බවයි. පසුගියදා කැබිනට් මණ්ඩලය ගත් තීරණ ක‍්‍රියාත්
දුමින්ද – චමින්ද ඇතුළු පස්දෙනා හිරෙන් පැන යන සැලසුමක් ?

දුමින්ද – චමින්ද ඇතුළු පස්දෙනා හිරෙන් පැන යන සැලසුමක් ?

භාරත ලක්ෂ්මන් ඝාතන නඩුවේ ත්‍රිපුද්ගල නඩු තීන්දුවට අනුව මරණීය දණ්ඩනය නියම වූ හිටපු පාර්ලිමේන්තු මන්ත්‍රී දුමින්ද සිල්වා දෙමටගොඩ චමින්ද ඇතුළු සිරකරුවන් පස්දෙනකු බන්ධනාගාරයෙන් පලායෑමට සැලසුම් කිරීමක් පිළිබඳව වහා රහස් පොලිසිය වෙත ප්‍රකාශයක් ලබාදෙන ලෙසට කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර මහතා වැලිකඩ බන්ධනාගාර අධිකාරිවරයාට ඊයේ (16) නියෝග කළේය. මීට අමතරව එම සිරකරුවන් රඳවා සිටින මැදිරි ප්‍රධාන ජේලර්වරයාටද රහස් පොලිසිය වෙත ප්‍රකාශ ලබාදෙන ලෙසට මෙහිදි නියමවිණ. කොළඹ මහාධිකරණ අංක 6 ත්‍රිපුද්ගල මහාධිකරණ නඩු අංක 7781/2015 දරන නඩුවේ සිරකරුවන් වන අනූෂ තුෂාර ද මෙල්, සිරිනායක පතිරනලාගේ චමින්ද රවි ජයනාත්, කොවිල්ලේ ගෙදර දිසානායක මුදියන්සේලාගේ සරත් බණ්ඩාර, සී. එම්. ප්‍රියන්ත ජනක බණ්ඩාර හා අරුමාදුර ලොරන්ස් රෙමෙලෝ දුමින්ද සිල්වා මෙලෙස පලායෑමට සැලසුම් කරන බවට රහස් පොලිසිය අධිකරණයට කරුණු වාර්තා කර තිබිණ
සාමාජිකයින් 4කගේ අත්සනින් සීමා නිර්ණ වාර්තාව අද ඇමති අතට

සාමාජිකයින් 4කගේ අත්සනින් සීමා නිර්ණ වාර්තාව අද ඇමති අතට

එක්සත් ජාතික පක්ෂයේ නියෝජිතයා වාර්තාවට අද අත්සන් තබන්නේද නැත්ද යන්න නොසලකා සීමා නිර්ණ වාර්තාව පළාත් පාලන අමාත්‍යවරයාට භාරදෙන බව එම කමිටුවේ සභාපති අශෝක පීරිස් මහතා පවසනවා. සභාපතිවරයා ප්‍රකාශ කළේ ඊයේ දිනයේදී වාර්තාවට අත්සන් තබන බව ප්‍රකාශ කළ එක්සත් ජාතික පක්ෂ නියෝජිත එස් මිස්බා මහතා ඊයේ රාත්‍රීය වන තෙක්ම වාර්තාවට අත්සන් නොතැබූ බවයි. ඒ අනුව අනෙක් සාමාජිකයින් 4දෙනාගේ අත්සන් සහිතව සීමා නිර්ණ වාර්තාව අද භාරදීමට නියමිතයි. පසුගියදා සාමාජිකයින් 3න් දෙනකුගේ අත්සනින් වාර්තාව පළාත් සභා හා පළාත් පාලන අමාත්‍යවරයාට යොමකිරීමට පියවර ගත්තද අමත්‍යෙ ෆයිසර් මුස්තාෆා මහතා එය ප්‍රතික්ෂේප කළා. ඒ සාමාජිකයින් 5 දෙනාගේම අත්සන් ඊට අවශ්‍ය බව ප්‍රකාශ කරමින්. කෙසේ වෙතත් මේ පිළිබද කළ විමසීමකදී පළාත් සභා හා පළාත් පාලන අමාත්‍යාංශයේ ප්‍රකාශකයකු පැවසුවේ අද දිනයේදී වාර්තාව ලබාදීම අවිනිශ්චිත මට්ටමක පවතින බවයි.
විධායකය ඕනෑ /ව්‍යවස්ථාවක් එපා – ශ්‍රීලනිප මතය ඉදිරියේදී

විධායකය ඕනෑ /ව්‍යවස්ථාවක් එපා – ශ්‍රීලනිප මතය ඉදිරියේදී

නව ව්‍යවස්ථාවක් සම්මත නොකර ජනමත විචාරණයකට නොයන මට්ටමේ සංශෝධන පමණක් සිදු කළ යුතු බවත් විධායක ජනාධිපති ක්‍රමය අහෝසි නොකළ යුතු බවත් ශ්‍රීලනිප මධ්‍යම කාරක සභාව විසින් ඉදිරියේදී ව්‍යවස්ථාව පිළිබඳ මෙහෙයුම් කමිටුවට දැනුම් දෙනු ඇතැයි ශ්‍රීලනිප ආරංචි මාර්ග පවසයි. ව්‍යවස්ථාව පිළිබඳ පාර්ලිමේන්තු අනුකමිටු වාර්තා සම්බන්ධයෙන් සාකච්ඡා කොට ව්‍යවස්ථාව පිළිබඳ නිල ස්ථාවරයක් ඉදිරිපත් කිරීම සඳහා නිමල් සිරිපාල ද සිල්වා අමාත්‍යවරයාගේ ප්‍රධානත්වයෙන් පත් කළ විශේෂ කමිටුව අදාළ තීරණය මධ්‍යම කාරක සභාවට ඉදිරිපත් කරනු ඇති බවත් එය මධ්‍යම කාරක සභාවේ සම්මත කොට පාර්ලිමේන්තුවට ඉදිරිපත් කරනු ඇති බවත් වාර්තා වෙයි. නිමල් සිරිපාල ද සිල්වා කමිටුවේ අනෙකුත් සාමාජිකයන් වන්නේ ශ්‍රීලනිප මධ්‍යම කාරක සභිකයන් වන ඩිලාන් පෙරේරා, මහින්ද සමරසිංහ, අනුර ප්‍රියදර්ශන යාපා, චන්දිම වීරක්කොඩි හා සුසිල් ප්‍රේම්ජයන්ත්ය. එම කමිටුවේ සාමාජිකයන් කිහිපද
අද ඇරඹෙන ලෝක ආර්ථික සමුලුවට අගමැති එක්වෙයි

අද ඇරඹෙන ලෝක ආර්ථික සමුලුවට අගමැති එක්වෙයි

අද ස්විස්ටර්ලන්තයේ ඩාවෝස් නුවරදී ආරම්භ වන 2017 ලෝක ආර්ථික සමුලුව සදහා අග්‍රාමාත්‍ය රනිල් වික්‍රමසිංහ මහතා එක්වනවා. ඒ සදහා සහභාගීවීමට අග්‍රාමාත්‍යවරයා ඊයේ දිනයේදී දිවයිනෙන් පිටත්ව ගියා. මෙවර ලෝක ආර්ථික සමුලුව ලබන 21 වනදා තෙක් පැවැත්වීමට නියමිතයි. ඒ වෙනුවෙන් ලෝකයේ රටවල් 40ක නායකයින් එක්වනවා. මේ අතර බිල් ගේට්ස් වැනි ලොව සුපතල ව්‍යාපාරිකයින් හා ආර්ථික විද්‍යාඥයන් 2,000කට අධික පිරිසක්ද සමුලුවට එක්වීමට නියමිතයි. මෙම සමුලුව පැවැත්වෙන්නේ සංවාදාත්මක ආකාරයටයි. මෙහිදී අග්‍රාමාත්‍යවරයා ලෝකයේ ප්‍රධාන ව්‍යාපාරිකයින් හා ස්විස්ටර්ලන්ත රජයේ ප්‍රධානීන් සමග සාකච්ජා පැවැත්වීමට නියමිතයි.
ජී එස් පී ගන්න කොන්දේසි 58කට එකගවූ කතාව බොරු / රජයෙන් නිවේදනයක්

ජී එස් පී ගන්න කොන්දේසි 58කට එකගවූ කතාව බොරු / රජයෙන් නිවේදනයක්

ශ්‍රී ලංකාවට GSP+ බදු සහනය යළි ලබා දීම සඳහා රටට ඉතා අනතුරුදායක කොන්දේසි 58 කට රජය එකඟ වී ඇතැයි පළ වී ඇති මාධ්‍ය වාර්තා රජය තරයේ ප්‍රතික්ෂේප කරන බව රජයේ ප්‍රවෘත්ති දෙපාර්තමේන්තුව නිවේදනයක් නිකුත් කරමින් කියා සිටියි. ප්‍රවෘත්ති නිවේදනය ශ්‍රී ලංකාවට  GSP + බදු සහනය යලි ලබා දීම සඳහා රටට ඉතා අනතුරුදායක කොන්දේසි 58 කට රජය එකඟ වී ඇතැයි පළ වී ඇති මාධ්‍ය වාර්තා රජය තරයේ ප්‍රතික්ෂේප කරයි. ශ්‍රී ලංකාවට GSP+ බදු සහනය ලබා දෙන බවට යුරෝපා කොමිසම විසින් ජනවාරි මස 11 වන දින නිකුත් කළ ප්‍රවෘත්ති නිවේදනයට අනුව, ශ්‍රී ලංකාවේ දැනට සිදුවෙමින් පවතින ප්‍රතිසංස්කරණ වැඩපිළිවෙල වෙනුවෙන් කරන දිරි ගැන්වීමක් ලෙස ශ්‍රී ලංකාවට යුරෝපා වෙළඳපොල වෙත පිවිසීමේ ඉඩ කඩ පුළුල් කිරීමට යුරෝපා කොමිසම යෝජනා කරන බව සඳහන් වේ. එය ශ්‍රී ලංකාවට අහිතකර කොන්දේසිවලට එකඟවීම වෙනුවෙන් යුරෝපා සංගමය විසින් ලබා දුන් සහනයක් නොව වර්තමාන ආ
බ්‍රිතාන්‍යයට එරෙහිව නඩු පැවරීමට ඌව පළාත් සභාවට යෝජනාවක්

බ්‍රිතාන්‍යයට එරෙහිව නඩු පැවරීමට ඌව පළාත් සභාවට යෝජනාවක්

බ්‍රිතාන්‍යය රජයට විරුද්ධව නඩු පැවරීමට තීරණය කළ බව ඌව පළාත් ප්‍රධාන අමාත්‍ය චාමර සම්පත් දසනායක මහතා අද ප්‍රකාශ කළා. ඒ බදුල්ලේදී පැවැත්වූ මාධ්‍ය සාකච්ජාවකදී අදහස් දක්වමින්. 1818 කැරැල්ලේදී ඌව පළාතේ 14,000 ක් ඝාතනය කිරීම හා දේපල හානි කිරීම ඇතුලු චෝදනා මත මෙසේ නඩු පවරන බවයි ප්‍රධාන අමාත්‍යවරයා පැවසුවේ. මෙම කැරැල්ලෙන් පසුව ඌව පළාතට දැවැන්ත හානියක් සිදුවූ අතර අද දක්වා එහි බලපෑම පවතින බවද ඔහු සදහන් කළා. ඒ අනුව සිදුකළ අමානුෂික ඝාතන හා දේපල හානි වෙනුවෙන් වන්දි ලබා දෙන ලෙස ඉල්ලා වසර 199කට පසු නඩු පැවරීමේ අවස්ථාව එලඹ ඇති බවද ප්‍රධාන අමාත්‍යවරයා කියා සිටියා. ඒ අනුව මීට අදාළ යෝජනාවක් ඌව පළාත් සභාවේ සම්මත කර ගැනීමට නියමිතයි. ජාතික වීරයින් 19 දෙනකු දේශදෝහීන් ලෙස නම් කරමින් අධිරාජ්‍යවාදීන් විසින් නිකුත් කර තිබූ ගැසට් නිවේදනය පසුගියදා ජනාධිපතිවරයාගේ නියෝගයකට අනුව අවලංගු කෙරුණා. ඒ සම්බන්ධයෙන්ද ඌව පළා
Close